Tī 紅毛塗城市 ê 中央，有一座森林公園。公園中有一大欉鳥榕是真濟動物ê岫，動物仔lóng叫伊「大家厝（tuā-ke-tshù）」。有一工，大家厝 hōo 怪奇 ê 黃色長布條仔圍牢 leh ，逐家 lóng 真緊張，真驚會有不幸 ê 代誌發生，所致小膨鼠「小思想」決定 beh 出發去走揣自己離家出走真久 ah ê阿爸「捌字者」，沿路拄著真濟都市裡 ê 動物，最後 tī 圖書館揣著當 teh 研究人類思想 ê 捌字者，並且真成功來引起人類對生態環境 ê 注意，幫助動物拯救大家厝。



　　這本冊用繪本的形式，結合臺灣的自然文學作品，tshuā兒少讀者認識都市 ê 生態環境議題，希望透過這本繪本，認捌都市生態 ê 面貌，更加理解都市發展 kap 環境保育中間複雜 ê互動關係，進一步產生對家己生活 ê 反思，並且 thang 進一步閱讀相關 ê 文學作品。